தினமும் விடியல்

 பெங்களூரு குளிர் எழுப்பிய காலை

காக்கையும் புறாவும் சேர்ந்த கூப்பிடும் சத்தம்
இளமை வெயில் குளித்த கட்டிடங்கள்
மீண்டும் வார இறுதி வெள்ளி இரவு முதல் திங்கள் காலை வரை ஊரடங்கு அறிவிப்பு
இந்த சுதந்திரப் போராட்டம் இயற்கையை எதிர்த்து
நாட்கள் மாதங்களாய் வருடங்களாய் தொடர்ந்து
மரண பயத்தில் பல உள்ளங்கள்
முடிவே இல்லாத தொடர்கதையாய்
உண்மைகள் திரிக்கப்பட்டு ஊடகங்களில் வைரசை விட வேகமாய் பரவிக் கொண்டு
எவன் விதைத்த விதையென்று தெரியாத புதிர்
பணப்பேய்கள் ஆரவாரமாய் நடனமாடும் செய்திகள்
உலகத்தை ஆட்டிப் படைக்கும் மாய சக்திகள்
விடை காணாமலே தினமும் விடியல்
தொடர்கதையாய்

Comments

Post a Comment

Popular posts from this blog

சிலுவையில் மறைந்தான்

  விண்ணிலிருந்த நட்சத்திரங்கள் வீடுகளில் தொங்கின பண்ணிசைத்துப் பாடல்கள் திக்கெட்டும் முழங்கின கண்விழித்து நண்பர்கள் கடவுளைத் தொழுதனர் கணக்கற்ற மாதாகோவில்கள் விளக்கொளியில் மின்னின வண்ணமலர்கள் வாணவேடிக்கை பச்சை மரங்கள் வகைவகையாய் பலூன்கள் ஒளிரூட்டும் மெழுகுவர்த்திகள் இறைவன் பிறந்தான் மனித வடிவில் கறைகள் சுமந்து சிலுவையில் மறைந்தான் உலக மக்கள் துயரம் போக்கிட உயிர்த்து வருவான் என்றே காத்திருப்பேன்
Read more

மதமென்ற மதம்

  என்றோ விதைத்த தவறான விதை இன்று ஆலமரமாய் வளர்ந்து பெரிதாகி கொன்று புதைத்தாலும் மீண்டும் மீண்டும் நன்று இதுவன்று சொல்வதைக் கேட்பாரில்லை என்று மாறிடும் என்ற கேள்வி தொன்று தொட்டே உண்டு மனதில் பன்றி சாக்கடையைத் தேடியே போவதுபோல் வென்று வரும் நாளும் உண்டோ மதமென்ற மதம் பிடித்த உள்ளங்கள் இதமாய் வார்த்தைகள் இவரிடம் இல்லை நிதமும் சாதியைத் தலையில் தூக்கி பேதங்கள் பேசித் திரிவர் பேய்க்குணமே வாதங்கள் வளர்ந்து வழக்காடி தொடர்வர் முடிவுரை எழுத முடியாத பெருந்தொடராய் விடிவே இல்லாத இரவுகள் தொடர்கதையாய்
Read more

விழித்திரு

  மனித மனம் ஒரு புதையல் இனிது தேடி அலைதல் இயல்பு கனவு பலவும் உலவும் ஆலயம் கற்பனை ஊற்று காலம் கடந்தது வாழ்க்கைச் சக்கரம் சுழல்வது தொடரும் வாடிக்கை உயர்வதும் தாழ்வதும் மாற்றங்கள் வசப்பட வைப்பது நம்மிடம் உள்ளது கசப்பினை மறந்து கன்னலை சுவைக்க உறுதியை நிறுத்தி உள்ளத்தை செதுக்கினால் உனக்கென பாதையை உருவாக்கி பயணிக்கலாம் கணக்கிலா செயல்கள் கண்ணுக்கு அருகினில் இணக்கம் இருப்பின் தேர்வது உன்னிடம் தொலைவில் இருப்பதும் அருகினில் வந்திடும் தொல்லைகள் களைந்து தொடர்வதும் சாத்தியம் விடைகள் தேடியே விடியாத இரவுகள் விடிவெள்ளி கண்டதும் சிவந்திடும் கீழ்திசை விழித்திரு தொடர்ந்திடு வசப்படும் வாழ்க்கை விதியென வீணே முடங்கிடல் வேண்டாம்
Read more