மெல்ல நட தாயே

 மெல்ல நட தாயே

சின்னப் பாதம் நோகாம
கன்னக் குழிவிழ சிரிப்பாயே
செல்லப் பாப்பாவே செங்கரும்பே
****
உப்புமூட்டை தூக்கும் தொழிலாளியின்
வியர்வை உப்புக் கரித்தது
****
இரவுக்கு விடை கொடுக்க
கதிரவக் காவலாளி வந்தான்
****
அலை மகள் கரையோரம்
மணல் காதலனை முத்தமிட்டாள்
****
மேகப் போர்வை விலக்கி
நிலவுப் பெண் சிரித்தாள்

Comments

Post a Comment

Popular posts from this blog

விழித்திரு

  மனித மனம் ஒரு புதையல் இனிது தேடி அலைதல் இயல்பு கனவு பலவும் உலவும் ஆலயம் கற்பனை ஊற்று காலம் கடந்தது வாழ்க்கைச் சக்கரம் சுழல்வது தொடரும் வாடிக்கை உயர்வதும் தாழ்வதும் மாற்றங்கள் வசப்பட வைப்பது நம்மிடம் உள்ளது கசப்பினை மறந்து கன்னலை சுவைக்க உறுதியை நிறுத்தி உள்ளத்தை செதுக்கினால் உனக்கென பாதையை உருவாக்கி பயணிக்கலாம் கணக்கிலா செயல்கள் கண்ணுக்கு அருகினில் இணக்கம் இருப்பின் தேர்வது உன்னிடம் தொலைவில் இருப்பதும் அருகினில் வந்திடும் தொல்லைகள் களைந்து தொடர்வதும் சாத்தியம் விடைகள் தேடியே விடியாத இரவுகள் விடிவெள்ளி கண்டதும் சிவந்திடும் கீழ்திசை விழித்திரு தொடர்ந்திடு வசப்படும் வாழ்க்கை விதியென வீணே முடங்கிடல் வேண்டாம்
Read more

தெளிவு தோன்றுமா ?

  காளை பூட்டிய ஏரால் உழுத நாட்கள் சிறப்போ கால்சராய் அணியாத கோவணமும் வெற்று உடம்பும் சிறப்போ கற்றது கண்டது காதினில் கேட்டது எல்லாமே சிறப்போ பெற்றது பெரிதாய் நோய்கள் பலவும் வாழ்வினில் சிறப்போ ஆயிரம் அறிவுரை ஆரோக்ய வாழ்விற்கு வகை வகையாய் ஆடைகள் முதலாய் அணிகலன் வரையில் அத்தனை வகைகள் சோதனை போலே கூடவே வேதனை தரும் நோய்களும் சோதித்துப் பார்க்க நேரமும் இல்லை உயிரின் பயம் மாற்றங்கள் அனைத்தும் நல்லதா கெட்டதா பாப்பையா பட்டிமன்றம் சீற்றங்கள் கூட புதிதாய் ஆங்காங்கே புரட்டிப் போட்டுவிட குழப்பம் மனதில் கேள்விகள் ஆயிரம் விடைகளும் பலவாய் குடிப்பதில் சிறந்தது ஊரணி நீரா கேள்வி மனதில் கூட்டிக் கழித்து விடைதேடி வாழ்க்கை ஏடுகள் புத்தகமாய் கூடுவிட்டு ஆவி போகும் முன்னே தெளிவு தோன்றுமா ?
Read more

சிலுவையில் மறைந்தான்

  விண்ணிலிருந்த நட்சத்திரங்கள் வீடுகளில் தொங்கின பண்ணிசைத்துப் பாடல்கள் திக்கெட்டும் முழங்கின கண்விழித்து நண்பர்கள் கடவுளைத் தொழுதனர் கணக்கற்ற மாதாகோவில்கள் விளக்கொளியில் மின்னின வண்ணமலர்கள் வாணவேடிக்கை பச்சை மரங்கள் வகைவகையாய் பலூன்கள் ஒளிரூட்டும் மெழுகுவர்த்திகள் இறைவன் பிறந்தான் மனித வடிவில் கறைகள் சுமந்து சிலுவையில் மறைந்தான் உலக மக்கள் துயரம் போக்கிட உயிர்த்து வருவான் என்றே காத்திருப்பேன்
Read more